Wednesday, May 28, 2014
අන්තර්ජාලය හරහා මුදල් ඉපයීම "ඉන්ටර්නෙට් මනී" (Internet Money) ලෙස අර්ථ දක්වමු. වර්තමානයේ දී මේ "ඉන්ටර්නෙට් මනී" පිළිබඳ දැන්වීම් බහුලව දැකිය හැකිය. එසේම ඉතා විශාල මුදල් ප‍්‍රමාණයක් සොයා ගැනීමට හැකි බව ද එම දැන්වීම් මගින් ඔප්නංවා තිබේ. සෑම සතිඅන්ත පුවත්පතක ම ලුහුඩු දැන්වීම් තීරය මෙවැනි දැන්වීම් මගින් පිරී තිබේ.
ඇත්ත වශයෙන්ම මේ තරම් මුදල් "ඩොලර් සල්ලි" නිවසේ සිට පහසුවෙන්ම ඉපයිය හැකි ද?
ලෝකයේ කිසිදු රටක් කිසිදු ආයතනයක් මේ අයුරින් මුදල් ගෙවීම් කරයි ද? පුදුම උපදවන කරැණක් නොවේද?
පිළිතුර හරිම සරලයි. "නොහැක" මෙය අසත්‍යයකි.
කිසිදු වෙහෙසක් හෝ කිසිදු ශ‍්‍රමයක් කැප නොකර ලේසියෙන් පහසුවෙන් ඩොලරයක් සොයා ගැනීමට හැකි නම්, එය පුදුමයක්ම නොවේ ද?
මෙය අවබෝධ කර ගැනීම හරිම පහසුයි. ඒ සඳහා අවශ්‍ය වන්නේ ඔබේ නුවණ මෙහෙයවීම පමණයි.
මුලින් ම මෙවැනි දැන්වීම් පළ කරන පිරිස පිළිබඳව විමසා බලමු:-
ඔවුන් මේ දැන්වීම් පළ කරනුයේ සති අන්ත පුවත්පත්වල ලුහුඩු දැන්වීම් තීරැවෙහි පමණයි. ඊට හේතුව මසක් පුරාම දැන්වීම පළවුවත් වැයවන මුදල රැපියල් 2000කි. (ලුහුඩු දැන්වීම් ගාස්තුව රැ. 500ක් නිසා* මේ තරම් මුදල් පහසුවෙන් සෙවීමට හැකි යැයි කියන අදාළ පුද්ගලයන්ට මීට වඩා පුළුල් දැන්වීම් මාධ්‍ය භාවිත කළ නොහැකි ඇයි? ඔවුන් එම ක‍්‍රමයට මුදල් උපයාගෙන නැතිවාවත් ද?
ඊළඟට මොවුන්ගේ නිල වෙබ් අඩවි සලකා බැලූවොත් ඒවා ඉතාම ආධුනික තත්ත්වයේ වෙබ් අඩවියි. ඩොලර් කොළ වැස්සක් අපේ හිස මතට ඇද හැලෙන ඡුායාරූප පිරී ඉතිරී තිබේ. කිසිදු කලාත්මක බවක් ඒවායේ දක්නට නොලැබේ. එසේම මෙවැනි වෙබ් අඩවියක් පළ කිරීම සඳහා වැය වනුයේ රැ. 5,000/-කට අඩු මුදලකි.
මේ "ඉන්ටර්නට් මනී" පාඨමාලා යනු සූදුවකි, මුලාවකි. බොරැවකි. මේ බොරැවට හසුවන්නේ නාගරික පිරිස් නොව ග‍්‍රාමීය පිරිසයි. එසේම විශ්වවිද්‍යාල සිසුන් අතර මෙය ඉතාම ජනප‍්‍රියයි. මන්දයත් තරැණ අවශ්‍යතා අසීමිත ය, ඒවා පිරිමහන්න ඔවුන් අමතර ආදායම් මාර්ග සොයන හෙයිනි. විශේෂයෙන් ම කුරැණෑගල සහ රත්නපුර දිස්ත‍්‍රික්කවල මෙය ඉතාම ප‍්‍රචලිතයි. මේ දැන්වීන් පළකරන බහුතරය කුරැණෑගල ලෙස ලිපිනය සඳහන්කර තිබේ.
වර්තමානයේ මහජනතාව සතුව මුදල් අවශ්‍යතා අගහිගකම් ඉහළ ය. එහෙයින් විවිධ ලොතරැුයි කෙරේ ඇදී යයි, ඉතා ඉහළ පොලියක් ලබාදෙන බව පවසන ආයතනයන්හි මුදල් ආයෝජනය කිරීම සිදුකෙරේ. ඊටම සමාන දෙයක් ලෙස මේ "ඉන්ටර්නෙට් මනී" පෙන්වා දීමට පුළුවන. මෙයට අසුවුන කෙනෙකු තවත් කෙනෙක්ට එහි තිබෙන ආදීනව නොපවසයි. "උත්සාහ කර බලන්න" යැයි කියනු ලැබේ. නමුත් සමහරෙක් තම කටුක අත්දැකීම් ගැන අනෙක් අය දැනුවත් කරනු ලබයි.
කෙසේවෙතත් මෙම "ඉන්ටර්නෙට් මනී" පාඨමාලා පවත්වන බව කියමින් කරන මංකොල්ලය දිගින් දිගටම සිදුවේ. රජයේ වගකිව යුතු ආයතන සහ නිලධාරීන් නිහ`ඩය.
අන්තර්ජාලය හරහා හොඳ වගේ ම නරකත් නොමිලේ ලැබේ. මෙවැනි මුදල් ගනුදෙනු කිරීමට පෙර අපි අන්තර්ජාලය පිළිබඳව බොහෝ හොඳ අධ්‍යයනයක් කළ යුතු වේ. "ඉන්ටර්නෙට් මනී" පාඨාමාලා පිළිබඳ දැන්වීම්වල සඳහන් කරනුයේ තම ආයතනය මේ පිළිබඳ සියලූ රහස් ක‍්‍රම කියාදෙන බවයි. නමුත් ඔවුනටත් මේ ජාලයේ තිබෙන බොහෝ න්‍යායාත්මක කරැණු පිළිබඳ මනා අවබෝධයක් නොමැත. ඔවුන් දන්නේ මිනිසුන් අන්දන්නට පමණි. මේවා උගුල් ය. ඔබගේ රැ. 5000/-ක් ලෙහෙසියෙන් කඩාගෙන, සී.ඞී. එකක් ලබාදී පැය දෙකක් තුනක් අන්තර්ජාලයේ මැජික් ටිකක් පෙන්වා. ඉන්පසුව"සර්/ මිස් දැන් ඔයාට පුළුවන් මේ සී.ඞී. එකේ තියෙන විදියට කටයුතු කරලා මනී හොයන්න, ගැටලූවක් උනොත් මට කතා කරන්න, නැත්තම් අපේ වෙබ් සයිට් එකට එන්න" යැයි පවසමින් ඔබේ මුදල් ලබාගනී.
මේ වැඩමුළුවල දී ඔබව දැනුවත් කරන මුදල් ඉපයිය හැකියි පවසන භයානක ක‍්‍රමවේද තිබේ. එයින් එක් ක‍්‍රමයක් Forex trading ය. මෙහිදී ඔබේ මුදල් අන්තර් ජාතික කොටස් වෙළඳපොළේ ආයෝජනය කිරීම සඳහා අන්තර්ජාලයේ තැරැව්කාර සමාගමකට මුදල් ආයෝජනය කළ යුතු වේ. පාඨමාලා පවත්වන මහත්වරැවත් මේ සොරැන් පිළිබඳ නොදන්නා බව අවධාරණයෙන් කිවයුතුයි.
අන්තර්ජාලයෙන් මුදල් ඉපයිය හැකිද?
අන්තර්ජාලයෙන් මුදල් ඉපයීම කළ හැකියි. නමුත් එය කළ හැක්කේ ලෙහෙසියෙන් නොවේ. බොහෝ රටවල් මේ ක‍්‍රමයට මුදල් සොයා ගනී. ඒ නීත්‍යානුකූලවයි. ඉතාම විස්වාසවන්ත ලෙසටයි. ඉන්දියාව ඊට හොඳම උදාහරණයකි. ඉන්දියාවේ රජය සහ විශ්වවිද්‍යාල විසින් මේ පිළිබඳව රටේ ජනතාව නිතරම දැනුවත් කරනු ලබයි. නීති පවා පනවනු ලබයි.
බොහෝ බටහිර රටවල් තමන්ට අවශ්‍ය යම්යම් සේවාවන්, සේවකයින්රට තුළට ගෙන්වා ගැනීමකින් තොරව විදේශ ශ‍්‍රමය, සේවාව සාධාරණ ක‍්‍රමයන්ට අන්තර්ජාලය හරහා තුන්වැනි ලෝකයේ රටවලින් ලබාගනී. අප රටේ එවැනි සේවාවන් සපයන ආයතන මහා පරිමාණයෙන් සිදු කෙරේ. INNODATA Lanka ඊට හොඳ උදාහරණයකි. ඒ වගේම නිවසේ සිට ම රැුකියා කිරීමට හැකියාවකුත් තිබේ. නමුත්, ඒ සඳහා අවශ්‍ය සුදුසුකම් සපුරාලිය යුතුය.
එවැනි එක් උදාහරණයක් ලෙස odesk.com වෙබ් අඩවිය දක්වන්න පුළුවනි. මේ අඩවිය හරහා ක‍්‍රම දෙකකට රැුකියාව නිරතවීමට පුළුවන. එනම් ඔවුනට අවශ්‍ය සේවා සපයන ආයතනයක් ලෙස (කණ්ඩායමක්*, හෝ තනි පුද්ගලයෙක් ලෙසය. නමුත් ඔබව එක්වරව ඔවුන් බඳවා නොගනී. ඔබගේ දස්කම් පෙන්විය යුතු ය. Online විභාගයකින් සමත්විය යුතුය. විභාගය සමත්වීමෙන් පසු ඔවුන් ඔබව ශ්‍රේණිගත කිරීමකට ලක්කරයි. ඒ අනුව ඔබට වටිනාකමක් නියම වේ. පසුව ඔවුන්ට අවශ්‍ය කාර්යය නැත්තම් job එකක් (අවශ්‍ය සේවයක්* වෙන්දේසි කෙරේ, ඔබ එම වැඩය අඩු වේතනයක් මත කිරීමට කැමැති නම්, අන්තිම ලන්සුව ඔබ විසින් තැබිය යුතුය. ඒ අනුව එම job එක ඔබට ලැබේ. පාරිභෝගියා සමග Online සාකච්ඡා කර අදහස් හුවමාරැ කර ගනිමින්ම අදාළ සේවාව ලබාදීමට හැකිය. මුදල් ලැබෙන්නේ පාරිභෝගිකයා තෘප්තිමත් නම් පමණි. එසේම අන්තර්ජාතික මට්ටමේ බැංකුවක් ඔස්සේ මුදල් ලැබේ. තාමත් මෙම වෙබ් අඩවිය හොර බොරැ නොමැතිව ජනප‍්‍රියව පවති.
ඇයි එහෙම කියන්නේ?
සමහර වෙබ් අඩවි මගින් මුලදි අපිට හොඳ jobs ලබාදෙන අතර ඒවාට ගෙවිම් ද නිසියාකාරව කරනු ලබයි. නමුත් හිටිහැටියේ ම අතුරැදහන් වේ. මොවුන් ජාත්‍යන්තර සොරැන් ය. විදෙස් ගත නොවීම ඔබ "හොර බොස් කෙනෙකුට වැඩ කළා යැයි සිතා" සිත හදාගත යුතුවේ.
පරිගණක පිළිබඳ මනා දැනුමක් නොමැතිව, අවම වශයෙන් ටයිප් කිරීමටවත් හැකියාවක් නොමැතිව, හුදෙක්ම ඉක්මන්, සහ පහසු ක‍්‍රමයන් මගින් මුදල් ඉපයීමේ අරමුණින් මෙවැනි "ඉන්ටර්නට් මනී" වැඩමුළුවලට සහභාගිවීමෙන් වළකින්න. එයින් ඔබේ වටිනා මුදල් සහ කාලය නාස්ති කරගන්න එපා. "විශාල මුදලක් ඉක්මනින් පහසුවෙන් සෙවිය නොහැකිය" යන්න ඔබේ සිතෙහි තබාගත යුතු ම කරැණකි.
